qaasid ke aate aate Khat ik aur likh rakhuuN
main jaanataa huuN jo vo likhenge jawaab men

kab se huuN kyaa bataauuN jahaaNeKharaab men
shab haaye hijr ko bhii rakhuuN gar hisaab men

mujh tak kab un kii bazm men aataa thaa daurejaam
saaqii ne kuchh milaa na diyaa ho sharaab men

taa phir na intazaar men niind aaye umr bhar
aane kaa ahad kar gaye aaye jo Khwaab men

'Ghalib' chuTii sharaab, par ab bhii kabhii kabhii
piitaa huuN rozeabroshabemaahataab men